18/10 恭喜Yetta 畢業^^ 今日同Esther, 小柳一齊去Polyu 同Yetta 影畢業相, 希望佢會鍾意我地的送的畢業公仔 
原來Polyu 的鐘樓係咁...的用途......... @o@! 
看到四周都有好多畢業學生影相, 都令我諗翻起2年前自己畢業的情況 而家我又開始讀緊書....真係希望快d 捱完, 快d 又再畢業!! 晚上同溫生去搵我爸爸買相機, 平左少少.... 然後一齊去打邊爐.....哈哈, 秋天到啦, 又要勁打邊爐~~~hehe~~~ 22/10 放工後去旺角中心交旅行尾數.... 估唔到職員第1句就話....."下!? 你咁早就黎交!?!?" 都係既, 明明最遲可以11/11 先交尾數, 我咁早就交..... 不過我都係鍾意咁, 早D 做好晒, 唔使到時先再左撲右撲 開頭仲有D 擔心唔成團.....原來只係未Confirm 好內陸航機.....報團人數都已經足夠成團 太好啦, 我期待以久的11月北海道之旅^o^ 今日麻麻去旅行唔係屋企, 本來好開心買左大腸麵線, 壽司, 芒果黑燸米翻屋企食.... 結果竟然........ 無帶Key, 漏左係office.......= =" 好彩最後搵到爺爺俾key 我, 唔係我一定要帶埋d 外賣翻大埔= =" 
係等候爺爺的途中, 我好似d 婆婆咁坐係d 大樓附近的椅子, 一邊食壽司, 一邊被d 婆婆公公歧視@o@ 估唔到...我都有做露宿者的時候..........下次一定要記得帶key!! 23-25/10 這個星期是上課週......估唔到星期五就要喪跑差d 遲到 最可怕的是....本來極眼訓的我, 上完3小時課之後竟然勁精神....迴光反照.... 除左上堂, 最近仲迷上左一隻Online Game... 日打夜打, 連書都唔溫.....估唔到, 我又好似會考果陣咁....日日打機, 書又唔溫 應該是時候要節制下先得= = 星期日上課後, 晚上同Hong 去睇風聲.....多謝佢的免費飛 估唔到....日本人的迫供可以係咁恐怖; 中國人的愛國情緒可以如此歇斯底里 為情報, 為國家, 竟然可以這樣做.... 但更加估唔到既是.....坐在我附近的阿叔....一邊睇, 一邊爆粗鬧日本人, 又一邊為被迫供的中國人歎息, 投入感十足 大約5日的劇情, 壓縮在2小時的電影內.... 哈, 間唔中睇套戲都唔錯.... | 
